Етиопија протерува седум службеници на ОН

Етиопија/ Фото: МИА

Министерството за надворешни работи на Етиопија денеска соопшти дека седум претставници на Обединетите нации мора да ја напуштат земјата во рок од 72 часа поради мешање во внатрешните работи, пренесува Ројтерс.

Меѓу нив има пет службеници од хуманитарна агенција на ОН, еден од Канцеларијата на ОН за човекови права и претставник на УНИЦЕФ во земјата. Во соопштението не се наведуваат детали за нивното наводно мешање.

Соопштението за протерување на службениците на ОН доаѓа во услови на зголемен притисок врз владата на Етиопија поради смртоносната блокада на регионот Тиграј.

Портпаролот на хуманитарната агенција на ОН не реагираше на соопштението на министерството во Етиопија, ниту пак портпаролката на премиерот на Етиопија.

Милиони луѓе во Тиграј се потпираат на хуманитарна помош за да преживеат, но хуманитарните работници ги обвинуваат владините сили дека намерно ги прекинале испораките на помош.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот