Популарниот италијански пејач Ерос Рамацоти и неговата сопруга, манекенката Марика Пелегрини, одлучиле да стават точка на новниот брак.

Ерос и неговата 24 години помлада сопруга се договориле спогодбено да се разделат, по бракот кој траеше околу 5 години, а пред тоа се забавувале исто толку време.

Во официјалното соопштение, како што пренесуваат италијанските медиуми, ги потврдиле шпекулациите за разводот.

„Тоа беа прекрасни 10 години, заедно изградивме преубаво семејство и бевме бескрајно среќни. Смирени сме во заедничкиот избор, нашиот однос останува пријателски и љубовта што ја делевме уште е тука. Имаме големо почитување еден за друг и ја молиме јавноста да ја почитува нашата приватност и приватноста на нашите деца во овој стресен период за целото семејство“, пишува во соопштението.