Ерменската опозиција го блокира влезот во парламентот во Ереван

epa09063953 Armenian opposition supporters attend a protest against Prime Minister Nikol Pashinyan in Yerevan, Armenia, 09 March 2021. Pashinyan faces ongoing protests with calls to resign after the handling of a six-week conflict between Azerbaijan and Armenian forces over the region of Nagorno-Karabakh in 2020. EPA-EFE/NAREK ALEKSANYAN

Неколку стотици опозициски активисти се собраа синоќа пред ерменскиот Парламент, во центарот на Ереван, јави Тасс. Околните улици и официјалниот влез беа опколени од полиција, а ситуацијата беше мирна, без конфликти.

Демонстрантите на повеќе места во центарот на градот запалија оган и пееја патриотски песни, а скандираа и дека „премиерот Никол Пашинијан отсекогаш бил предавник”.

Претходно, во текот на вчерашниот ден, лидерот на Движењето за спас на татковината, Вазген Манукјан, ги повика приврзаниците да ги блокираат влезовите во парламентот, да не им дозволат влез на пратениците во него и, исто така, да постават шатори пред државната палата.

Ерменија се наоѓа во сериозна политичка и уставна криза, бидејќи противниците на премиерот бараат тој да замине, а Генералштаб на ерменската армија издаде соопштение во кое побара Пашинијан, како и целата влада, да си заминат од функциите.

Премиерот овој потег на армијата го оцени за обид за воен удар и одлучи да го смени началникот на ГШ, Оник Гаспаријан, но претседателот и врховен командант на вооружените сили, Армен Саркисјан, на двапати го одби барањето од премиерот за отстранување на Гаспаријан од највисоката воена должност.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот