Кристиан Ериксен според британските медиуми ќе го напушти Тотенхем како слободен играч, бидејќи на крајот од сезоната му истекува договорот.

Информациите велат дека данскиот интернационалец ќе ја продолжи кариерата во Италија, а еден од нив не е бранителот на титулата во Серија А, Јувентус.

Интер има желба да ги обезбеди услугите на Ериксен. Бепе Марота кој неколку години донесуваше слободни играчи во Јуве, сега истото има намера да го прави и во миланскиот клуб поради што не чуди и интересот на „неро-аѕурите“ за фудбалерот од средниот ред.

Марота, извршниот директор на Интер, се надева дека годишна плата од девет милиони евра и најважна улога во екипата на Антонио Конте ќе бидат доволни да се осигура потписот на Данецот.

Освен Интер и Јувентус, за Ериксен уште се борат екипите на Манчестер јунајтед и Реал Мадрид.