Ериксен се договори со Реал Мадрид

EPA-EFE/ANDY RAIN

Иако медиумите во Англија и Шпанија, големо внимание му посветуваат на трансферот на Еден Азар од Челси во Реал Мадрид, „кралскиот“ клуб веќе успеа да договори екстра засилување за следната сезона.

Според весникот „Ас“ кој е близок до шпанскиот тим, Реал Мадрид, постигнал устен договор со Тотенхем за купување на еден од најдобрите играчи на лондонскиот тим, Крисатијан Ериксен.  „Ас“ пишува дека официјална понуда сè уште не е испратена, но се шпекулира со сума од 100 милиони евра која е прифатлива и за двете страни, а Ериксен ќе добие шестгодишен договор со Реал Мадрид.

Тотенхем е принуден да го продаде Кристијан Ериксен бидејќи неговиот договор истекува наредното лето, а фудбалерот одби да преговара за потпишување на нов договор.

Следен кој треба да го засили тимот на Реал Мадрид е Еден Азар кој исто така има постигнато устен договор  и се чека крајот на сезоната како би се официјализирал и тој трансфер.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот