Ердоган одлучи – Испраќа војска во Либија
Законот за испраќање на воена помош во Либија го усвои и Парламентот на Турција, а како што беше најавено од порано, станува збор за воздушна, копнена и поморска помош.
Турскиот претседател Реџеп Таип Ердоган потврди дека неговата земја ќе испрати војска во Либија за да ја поддржи тамошната Влада во борбата против силите на Халиф Хафтар, кој спроведува офанзива во либиската престолнина.
Како што објаснил претседателот на Турција, војската на оваа земја во Либија ќе биде испратена врз основа на договорот кој Анкара го потпишала со Владата на националното единство на Фајез Сараџ.
Претходно, законот за испраќање на воена помош во Либија го усвои и Парламентот на Турција, а како што беше најавено од порано, станува збор за воздушна, копнена и поморска помош.
За потсетување, борбата меѓу силите на меѓународно признатата Влада и единиците на генералот Халиф Хафтар, кој владее на исток во земјата, почна по отстранувањето од власт на долгогодишниот претседател Муамер ел Гадафи.
