Турскиот претседател Реџеп Таип Ердоган не ја искучи можноста за интервенција доколку Либија, односно официјален Триполи, го побара тоа.

Тој во интервју за турската државна телевизија ТРТ, ги обвини земјите кои го поддржуваат одметнатиот генерал Калифа Хафтар дека го кршат ембаргото за продажба на вооружување кое го воспоставиле Обединетите нации.

Турција, како што потсетуваат агенциите, своевремено беше обвинета дека во минатото ги поддржувала провладините милиции и ги снабдувала со оружје.

Инаку, Калифа Хафтар е поставен за командант на Либиската национална армија од страна на меѓународно признаетиот Совет на пратеници во 2015 година, но либиските вооружени сили подоцна се раздвоија во Либиските вооружени сили под контрола на Хафтар и Либиската војска под контрола на Владата за Национален договор.