Лидерот на Руската Либерално-демократска партија, Владимир Жириновски, рече дека претседателот на Турција, Реџеп Таип Ердоган, за време на нивната средба му кажал дека е подготвен да излезе од НАТО.

– Имав две средби со претседателот Ердоган. Тој лично ми се довери дека Турција е подготвена да излезе од НАТО. Тие сакаат да бидат членка на ЕУ, но оттаму не ги примаат. Тие ги исполнуваат условите еден по еден, но никако не можат да влезат. Во НАТО се меѓу првите земји кои беа примени, бидејќи нивната територија беше погодна за акции против Русија – напиша Жириновски на својот канал на Телеграм.

Жириновский: Эрдоган мне лично сказал, что он готов к тому, что Турция может выйти из НАТО. И не только выйти из НАТО, он хотел бы быстрее вступить в ШОС pic.twitter.com/KtU068uMok

— Дмитрий Смирнов (@dimsmirnov175) July 15, 2019

Турскиот лидер од порано изјави дека Анкара го исполнила ветувањето и од Москва го купила најмоќниот ПВО систем на светот С-400.

– Долетаа осум авиони. И останатите ќе стигнат. Што зборуваа за тоа? Дека нема да ги купиме, дека нема да можеме. Дали ги купивме? Да! Во април 220 година тие системи во потполност ќе бидат инсталирани. Ние Турците го држиме својот збор. С-400 е најмоќниот одбранбен систем и се надеваме дека ќе го произведеме заедно со Русија – рече Ердоган на манифестација организирана по повод третата годишницата од обидот за државен удар во Турција.