„Епл“ на удар во Калифорнија: Шефот за безбедност под обвинение за поткуп на полицајци со ајпади
Глобалниот директор за безбедност на „Епл“, Томас Моер е обвинет дека нудел поткуп за неговите безбедносни тимови да добијат лиценци за носење оружје. Обвинението вчера го поднесе големата порота во Калифорнија, а во него се наведува дека Мојер понудил мито вредно 70.000 долари во форма на Ајпади.
„Би-Би-Си“ наведува дека „Епл“ сè уште се нема огласено во врска со случајот.
Шерифот, Рик Сунг и капетанот Џејмс Џенсон од округот Санта Клара, пак, се обвинети за барање на мито за издавање на дозволи за огнено оружје. Според државните закони, носењето оружје без дозвола е кривично дело.
Округот Санта Клара соопшти дека Сунг го одложил издавањето дозволи за оружје на безбедносниот тим на „Епл“ се додека Моер не се согласи да донира производи во вредност од 70. 000 американски долари за канцеларијата на шерифот.