Епилог за спектакуларниот грабеж! Осудени членовите на „Пинк Пантер“ кои украдоа дијаманти од шеикот на Катар
Спектакуларната кражба на седум милиони евра вреден накит и дијаманти од колекцијата на катарскиот шеик Хамад бин Абдулах ал – Тани од венецијакнската палата на судот во Венеција доби делимичен епилог, а државајанинот на Србија, член на „Пинк Пантер“, Драган Младеновиќ кој е обвинет за овој грабеж доби неколкугодишна казна затвор.
Иако државниот обвинител за Винко Томиќ (60), кој се води како „мозок на бандата“ и неговата десна рака Драган Младеновиќ (55) барал по 3,5 години казна затвор, а за преостанатите тројца, инаку хрватски државјани, Ѕвонко Гргиќ (44), Владимир Џуркин (48) и Желимир Грбавец (49) спогодбено на нешто повеќе од две години робија, судот донел одлука Томиќ да биде осуден на пет години и четири месеци затвор, а Младеновиќ на шест години.
Истовремено судот донел одлука –да на Гргиќ, Џуркин и Грбавец им ја одбие спогодбата за признавање на кривицата, бидејќи ги сметал за неадекватни во односот на причинетата штета – пишува „Јутрањи.хр“.
Покрај затворската казна, Томиќ морал да плати казна од 800 евра, а Младеновиќ од 1000 евра. Покрај тоа, осигурителната куќа „Лојдс“ поднела имотно побарување и од обвинетите бара 7 милиони евра, сума која ја исплатиле на сопствениците на скапоцениот накит.
Инаку, по завршувањето на истрагата, Томиќ исто така размислувал и за спогодба со тужителството, па се шпекулираше дека би прифатил тригодишна казна затвор, но се предомислил и донел одлука да се брани со молчење, барајќи судење по „кратка постапка“.
Шестиот член на бандата, српскиот државјанин Горан Перовиќ (55), кој се наоѓа во Србија, се уште е недостапен за италијанското правосудство, а неговиот адвокат изјавил дека неговиот клиент не може да се смета за бегалец, бидејќи не постојат конкретни докази дека тој има сознание дека во Италија му е одреден притвор.