ЕП У18: И кошаркарките редат порази, овој пат загубија од Естонија

фото: fiba.basketball

Женската јуниорска кошаркарска репрезентација го доживеа и петтиот пораз на Европското првенство Б-дивизија, овој пат загуби од Естонија со 66:57.

Првата четвртина помина во израмнета игра на двете репрезентации (17:17), но во втората четвртина, Естонките го искористија падот во играта на нашите кошаркарки и на одмор заминаа со двоцифрена предност 34:24.

Во второто полувреме, Естонките рутински ја одржуваа предноста и на крајот славеа со 66:57. По денешниот пораз на нашите кошаркарки им преостанува битката за избегнување на дното на табелата.

Со 21 поен и 6 скока прво име во редовите на Македонија беше Мартина Маркоска. Неа ја следеа Михаела Алексоска со 12 поени и 8 скока, односно Марија Николов со 12 поени и 4 скока.

 

 

Видео на денот