Tренерот на Пари Сен Жермен, Луис Енрике ја потврди неговата одлука да го исфрли Усман Дембеле за натпреварот од Лигата на шампионите.

Во најелитното европско натпреварување, ПСЖ утре ќе игра против Арсенал, а Дембеле ќе биде надвор од тимот поради дисциплинска мерка од Енрике.

„Не би сакал да правам некаква сага од сето ова. Имаше проблем со почитувањето на обврските кон тимот. Јас го сакам најдоброто за тимот и затоа го изоставив. Немало никаква поголема расправија. Кога некој не ги почитува тимските обврски значи дека не е подготвен за натпреварот кој следи“, изјави Енрике.

Дембеле од почетокот на сезоната настапи на сите шест натпревари во Лига 1 и во нив постигна четири гола и подели четири асистенции. Асистенција Дембеле запиша и во натпреварот против Рен во петокот кој неговиот тим го доби со 3:1.

За ПСЖ добра вест е што Витиња се враќа во составот по повредата и би можел да настапи во Лондон.