Серхио Рамос нема да игра за шпанската репрезентација на претстојното Европско првенство кое ќе се одржи од 11 јуни до 11 јули.

Селекторот на „црвената фурија“, Луис Енрике донесе одлука во списокот од 24 играчи да не биде еден од најискусните дефанзивци и воедно член на Реал Мадрид.

Одбранбениот фудбалер годинава имаше доста проблеми со повреди, а се очекуваше уште еднаш да биде лидер на Шпанија на големите натпреварувања.

Ова е прво натпреварување од 2004 година во кое Шпанија ќе игра без Рамос кој имаше голем придонес во двете европски титули во 2008 и 2012 година, а во 2010 година во Јужна Африка го славеше и светскиот трофеј.

🚨 OFICIAL | ¡¡¡NUESTRA SELECCIÓN!!!

🇪🇸 Estos son los 24 futbolistas que defenderán los colores de la @SeFutbol en la #EURO2020.

💪🏻 ¡¡Vuestro grito de ánimo será nuestra energía en la lucha por el Campeonato de Europa!!#SomosEspaña #SomosFederación pic.twitter.com/KY87e0im3p

— Selección Española de Fútbol (@SeFutbol) May 24, 2021

Составот на Шпанија за ЕВРО 2020: Симон, Де Геа, Санчез, Гаја, Алба, Пау Торес, Лапорт, Гарсија, Љоренте, Азпиликуета, М. Љоренте, Бускетс, Родри, Педри, Тијаго, Коке, Фабиан, Дани Олмо, Ојарзабал, Жерар, Мората, Ф. Торес, Адама, Сарабија.

Шпанците на ЕП ќе играат во групата „Е“ против селекциите на Полска, Словачка и Шведска.