Шкотот игра во парови во последно време, откако ја освои титулата во Квинс со шпанскиот ветеран Фелисијано Лопез. Мареј, кој се здружи со Серена Вилијамс во мешани двојки на „Вимблдон”, каде стигна до третото коло, утре ќе игра заедно со неговиот брат Џејми во Вашингтон.

После операцијата за замена на колкот, 32-годишниот тенисер неодамна одби да прецизира кога ќе се врати во сингл.

Andy Murray considering return to singles action at @CincyTennis:

"Best-case scenario probably would be Cincinnati."

More: https://t.co/ovNcrRjNGx pic.twitter.com/nxSgBob7Z9

— TENNIS (@Tennis) July 30, 2019

Но, тој навести дека може да учествува на подготвителните турнири пред „УС” и може да биде подготвен навреме за Синсинати, кој започнува на 11 август.

– Јас сум поблизу отколку што мислев. Во најдобар случај ќе се вратам во Синсинати. Ако не влезам на турнирот, тогаш веројатно ќе почекам по завршувањето на „Ју Ес Опен” затоа што не би сакал мојот прв турнир да биде во 3 од 5 сетови – рече Мареј.

Тој, исто така, призна дека контактрал со легендата Боб Брајан, кој се подложи на операција на замена на колкот на 40 години, со прашања во врска со времето за закрепнување од овој вид на интервенција.