Ема Робертс откри дека е среќна што нема да роди девојче
Актерката Ема Робертс во нејзното најново интервју за магазинот „Glamour“ откри зошто е среќна со фактот дека чека син. Веста дека познатата актерка е бремена одекна во странските медиуми кон крајот на јуни, но Ема овие гласини ги потврди дури два месеци подоцна.
Набргу потоа, таа на својот Инстаграм профил им се пофали на своите обожаватели и следбеници со фотографија од трудничкиот стомак потврдувајќи ја веста дека со нејзиното момче Гаред Хедлунд (36) ќе станат родители. За кратко време фотографијата заработи повеќе од милион лајкови.
Робертс откри дека е среќна што носи момче, а не девојче објаснувајќи ја едноставната причина за тоа.
„Се обидувам да не купам еден тон робати затоа што обожавам шопинг. Сè што можам да кажам е фала му на Бога што немам девојче затоа што ситуацијата со облеката едноставно би била луда“, призна Робертс.
Покрај тоа, таа во интервјуто откри и за желбата за одредена храна во текот на бременоста, поради што сладоледот и популарните мафини често се наоѓале на нејзиното мени.
Актерката се осврна и на сегашната ситуација со пандемијата на коронавирус.
„Навистина интересно време во светот да се биде бремена. Дефинитивно предизвика многу интроспекција, но мислам дека беше неверојатно навистина да седам сама со себе и да се свртам кон себе на начин што никогаш порано не сум го направила и да бидам мирна. Тоа беше навистина убаво и се чувствував навистина благодарно што успеав да го сторам тоа“, изјави Робертс.