Елмас за 20 милиони евра во дресот на Бенфика?
Македонскиот репрезентативец би можел да го напушти Наполи, и како што информираат медиумите од Неапол можно е да го облече дресот на Бенфика.
Португалците нудат 20 милиони евра за услугите на Елиф Елмас, според новинарот Емануеле Камарато во изјава за „Наполи магазин“, па останува да се види дали калчолигашот ќе ја прифати понудата во текот на летниот период.
Нашиот играч има важечки договор со италијанскиот клуб до 30 јуни 2025 година и моментно според „Трансфермаркт“ вреди 18 милиони евра.
Елмас ја игра втората сезона во Наполи, во тековниот шампионат од Серија А има 21 настап и два голови.
Наполи најавува сериозни промени, не се задоволни од Елмас како се интегрираше во тимот, а не се задоволни и ид неговиот учинок и затоа можна е разделба.