Елмас во конкуренција за наградата „Златно момче“
Македонскиот фудбалски бисер, Елиф Елмас е номиниран за престижното признание за млади фудбалери во Европа, „Златно момче“ за 2019 година.
Фудбалерот на Фенербахче и на македонската репрезентација Елиф Елмас, кој викендов се очекува да потпише за вицешампионот во Серија А, Наполи, е во конкуренција за наградата за најдобар млад играч во Европа. Покрај Елмас, на листата номинирани се наоѓаат уште 80 најдобри млади фудбалери кои играат во Европа, а меѓу најзвучните имиња се тие на Матијс Де Лихт, Френки де Јонг, Жоао Феликс, Џанлуиџи Донарума, ….
Наградата „Златно момче“ ја воведе италијански „Тутоспорт“ во 2003 година и во изборот гласаат најугледните спортски весници. Досега добитници на ова признание биле и Лионел Меси, Серхио Агуеро, Пол Погба, Килијан Мбапе и Матијс Де Лихт минатата година.