Елмас наскоро ќе добие нов тренер, позната листата на наследници на Гатузо
Џенаро Гатузо се наоѓа пред отказ во Наполи по серијата на лоши резултати оваа сезона.
Откако минатата сезона го наследи Карло Анчелоти на клупата, Гатузо успеа да триумфира во Купот на Италија, но оваа сезона екипата игра променливо и во последните пет натпревари забележа само една победа со што Наполи падна на седмото место, позиција која не носи пласман во европските купови наредната сезона.
Згора на тоа, Наполи испадна и од Купот на Италија, а последна шанса на Гатузо да ја спаси работата е утрешниот реванш натпреварот од Лигата на Европа против Гранада. Шпанскиот тим славеше во првиот натпревар со 2:0, а италијанските медиуми тврдат дека само пласман во наредната фаза ќе го спаси Гатузо.
Но, претседателот Аурелио де Лаурентис веќе разговарал со неколку тренери како Масимилијано Алегри, Лучано Спалети, Рафаел Бенитез па дури и со поранешниот тренер на Наполи, Маурицио Сари, што медиумите во Италија отказот на актуелниот тренер го сметаат за сигурен.