Елмас: Наполи покажа карактер, искрено не знам кој е мојата природна позиција
Наполи најмногу благодарение на македонскиот репрезентативец Елиф Елмас ќе продолжи да игра во Лига Европа, поточно во 1/16 финалната фаза од ова натпреварување.
Елмас со два гола блескаше за „наполитанците“ на стадионот „Диего Армандо Марадона“ во победата над англискиот Лестер (3:2).
Нашиот играч после мечот во Неапол изјави дека ова беше важна вечер за клубот кој се пласираше во следната фаза и е среќен поради двата погодоци:
– Најважно е што Наполи обезбеди пласман понатаму во натпреварувањето. Се надеваме дека ќе бидеме подобри во иднина. Покажавме дека сме вистински тим со карактер. Секогаш подготвени да играме со цел да победиме.
Нашиот тренер Лучано Спалети ни кажа многу работи пред натпреварот, дека ние сме силна екипа и тоа треба да го докажеме на теренот. Го реализиравме тоа што побара од нас, триумфиравме и се пласиравме во следната фаза.
Јас се обидувам да го давам најдоброто од себе на која и позиција да ме постави тренерот. Искрено, не сум сигурен која е мојата природна позиција – рече Елмас за „Скај Спорт Италија“.