Елмас ќе потпише нов договор со Наполи!?
Македонскиот репрезентативец Елиф Елмас покажува добри игри во составот на Џенаро Гатузо, а неодамна го освои и првиот трофеј во Купот на Италија откако во финалето беше совладан Јувентус
Нашиот фудбалски „Дијамант“ ја игра првата сезона во дресот на „наполитанците“ кои со добрите резултати во Серија А после паузата поради коронавирусот, се враќаат во игра за настап на меѓународната сцена.
Елмас во 18 одиграни натпревари сезонава во првенството запиша по еден гол и асистенција. Има важечки договор со клубот од „Сан Паоло“ до 30 јуни 2024 година и моментно според „Трансфермаркт“ вреди 15.50 милиони евра.
Како што информираат италијанските медиуми, намерата на клубот е да ја искористи опцијата за продолжување на неговиот договор на уште една година, односно новиот да трае до 2025 година.
#Napoli sui rinnovi: #Elmas fino al 2025. In arrivo l’agente di #Maksimovichttps://t.co/luvsvOYxgB
— CalcioNapoli1926.it (@cn1926it) July 8, 2020