Елмас ќе игра заедно со Златан Ибрахимовиќ!?
Тренерот на Наполи Карло Анчелоти има желба да ги обезбеди услугите на шведскиот великан Златан Ибрахимовиќ.
Славниот Ибра веќе има настапувано во Италија за три врвни екипи, Јувентус, Интер и Милан, а моментно ги брани боите на американската екипа на ЛА Галакси.
Ancelotti: 'I'd take Ibrahimovic at #Napoli..' https://t.co/F39kdjUnMx pic.twitter.com/kO9MhAIZTj
— CalcioMercato (En) (@CmdotCom_En) August 31, 2019
Непосредно пред дербито со Јувентус во италијанското Калчо, Анчелоти за „Скај“ изјави дека доколку му е дадена можност, би можел да го ангажира Швеѓанецот.
– Се разбира дека би го ангажирал Ибрахимовиќ. И тоа за помала сума, можеби и дури како слободен играч – рече Анчелоти.
На Апенините Ибра трипати ја освои Серија А со Интер, а еднаш со Милан. Со „неро-аѕурите“ двапати се закити со Суперкуп трофејот на Италија, а еднаш со „росонерите“.