Елисејската палата денеска ги предупреди француските граѓани за лажни пораки кои наводно доаѓаат од францускиот претседател Емануел Макрон, велејќи дека тоа е шема за перење пари.

„Пратете ми порака сега на апликацијата Сигнал“, гласат лажните пораки кои стигнуваат до Французите во последните денови, заедно со телефонскиот број и „Благодарам“. Емануел Макрон”.

Од Елисејската палата соопштија дека овие пораки се сфаќаат сериозно и ги советуваа граѓаните да не кликнуваат на непроверени линкови, пишува Ле Поинт.

„Никогаш не кликајте на сомнителна врска, секогаш проверувајте го бројот на испраќачот и никогаш не споделувајте ги вашите лични податоци“, соопшти француското претседателство.

Ова е прв пат да биде украден идентитетот на Макрон, но францускиот министер за надворешни работи Жан-Ноел Баро минатата година стана жртва на таква измама на неговиот личен телефон.

Во ноември 2024 година, тој добил порака на Сигнал, безбедна апликација што ја користат членовите на владата, со линк на кој кликнал, но не произлегол ниту еден инцидент, според Ле Поинт.