Франција ќе испрати експерти во Саудиска Арабија кои ќе помогнат во истрагата за нападот на нафтната рафинерија Сауди Арамко, за кој САД го обвинува Иран, соопшти Елисејската палата.

Претседателот на Франција, Емануел Макрон, остро го осуди нападот, пренесува Елисејската палата, а притоа го уверил и саудискиот престолонаследник Мохамед Бин Салам, дека Франција му е посветена на мирот во Блискиот исток.

„Одговарајќи на барањата на Саудиска Арабија, претседателот Макрон му потврдил на принцот дека Франција ќе испрати свои експерти во Саудиска Арабија, кои ќе учествуваат во истрагата со цел да се открие кој е и на кој начин ги извршил нападите“, стои во соопштението од Елисејската палата.

French President Macron calls Saudi crown prince on Aramco attacks: press https://t.co/lKiOBjeACH

— International Finance News (@Gander_News_i5) September 18, 2019

Нападот кој го преполовил извозот на Саудиска Арабија со нафта би можел да и наштети на намерата на француската дипломатија да спречи конфликт меѓу САД и Иран, изјавиле дипломатите за Ројтерс, откако француски висок функционер имал разговори во Саудиска Арабија.

Одоговорноста за нападот на нафтната рафинерија во Арабија ја презема бунтовничката група Хунти од Јемен, која го поддржува Иран, но САД тврдат дека ракетите и дроновите се лансирани од јужен Иран и северниот дел на Заливот.