Елиминирана Црна Гора, Белорусија оди во главната фаза на ЕП
Кај Црногорците фантастичен беше голманот Симиќ со 15 одбрани, но не доволно да се обезбеди триумф, кај победниците со седум голови се истакна Ваилупау.
После триумфот над Србија, црногорската репрезентација ги одржа шансите за учество во вториот круг, но не успеа после поразот денеска од Белорусија со убедлив резултат 27:36.
Белорусија ќе игра во главната фаза, откако во одлучувачкиот натпревар беше подобра од Црногорците во чии редови фантастичен беше голманот Симиќ со 15 одбрани, но не доволно да се обезбеди победа.
Во победничката селекција најдобро се истакна Микита Ваилупау со седум голови од девет обиди на теренот во Грац.
Кај репрезентацијата на Црна Гора Липовина реализираше пет голови, еден помалку запишаа Шеваљевиќ и Вујовиќ.
Исланд го забележа и вториот триумф на ЕП против Русија со 34:23, а Германците кои исто го обезбедија настапот во главната фаза минимално со 28:27 ја совладаа Летонија.