Еликсир во чинија: Виолетова супа
Како деновите стануваат се постудени така разните видови на супи и чорби се почесто се дел од нашата трпеза. Комбинацијата на повеќе видови коренест зеленчук ја прави оваа Виолетова супа природен еликсир кој ќе го потхрани нашето тело и ќе му даде енергија.
Особено е препорачлива во овој период кога настинките и вирусите царуваат.
Состојки:
– 100г морков
– 100г компир
– 100г црвена зелка
– 100г цвекло
– 100г кромид
– 1 лажица црвен пипер
– 1 лажица брашно
Подготовка:
Сите состојки се сечкаат на ситни коцки. Во сад со вода се додава прво цвеклото кое се вари 20 минути пред да се додадат и останите состојки. Супата се вари додека разновидните зеленчуци убаво не омекнат и пуштат од својот природен сок и боја, секако цвеклото ќе доминира.
Додека зеленчукот се вари во тава на малку масло се прави запршка со една лажица брашно и црвен пипер и се истура врз сварената супа. Се вари уште малку за да се соедини со запршката. Се сервира со кисела павлака.
Добар апетит!