Ели Голдинг откри дека го очекува своето прво дете: Уживам
Пејачката и текстописец Ели Голдинг ја објави својата бременост. Таа и нејзиниот сопруг Каспер Џоплин го очекуваат своето прво дете.
34-годишната пејачка ја објави среќната вест во искрено интервју за списанието „Vogue“ во кое гордо го покажа својот труднички стомак.
View this post on Instagram
Голдинг вели дека сакала поголемиот дел од нејзината бременост да биде далеку од очите на јавноста, за да може да се фокусира на фактот дека ќе стане мајка.
„Помислата да бидам бремена не ми беше реална… Бременоста некако ме натера да се чувствувам човечки. Сакам да најдам подобар збор од „женствено“, но, имам облини кои никогаш порано не сум ги имала. Уживам“, сподели Ели.
Пејачката и Каспер се заедно од 2017 година, а во 2019 година стапија во брак. Тогаш младенците ги замолиле сите гости да не купуваат подароци, туку парите наменети за тоа да ги донираат на сите хуманитарни организации што ги поддржуваат тие.