Аргентинскиот стратег се договори со управата на новиот премиерлигаш за продолжување на соработката и дека ќе го води клубот од „Иланд роуд“ и во новата натпреварувачка сезона 2020/21.

Марсело Биелса кој после 16 години ја врати екипата во елитата, потврди дека останува менаџер на Лидс и македонскиот репрезентативец Езџан Алиоски.

When joining #LUFC in the summer of 2018, Bielsa signed a two-year contract at Elland Road, with an option of extending the deal for another season.

— Sky Sports News (@SkySportsNews) September 10, 2020

На крајот од минатата сезона му истече договорот, но сега доаѓаат информации дека и натаму ќе го води кормилото на Лидс кој на стартот од сезоната во Премиер лигата во првото коло ќе се соочи против шампионот Ливерпул на „Енфилд“.

– Ќе работам во Лидс и во новата сезона. Се договоривме, дефинитивно ќе бидам во овој клуб – рече 65-годишниот Биелса на конференцијата за медиуми.

Во својата тренерска кариера пред да се пресели во Англија ги водеше уште Лил, Лацио, Марсеј, Атлетил Билбао, Еспањол, Вележ Сарсфилд, Америка, Атлас и Њуел`с Олд Бојс, а беше и селектор на репрезентациите на Аргентина и Чиле.

Алиоски оптимист на патот кон ЕП: Имаме шанси да го победиме Косово!