Фудбалерите на Еквадор ја совладаа Венецуела во Кито со резултат 2:1, во натпреварот од 13 коло од јужноамериканската зона од квалификациите за Светското првенство во 2026 година.

Херој на Еквадор во победата беше искусниот напаѓач Енер Валенсија, кој беше двоен стрелец.

Еквадроците играат одлично во овие квалификации, ова им е трет триумф во низа, сега се искачија на второто место со 22 бодови, а не треба да заборавиме дека во овој циклус влегоа со „минус три“ бода поради казна.

Еквадор е многу блиску да биде дел од Мундијалот, останува да видиме кога и математички тоа ќе биде потврдено.

Венецуела е осма со 12 бода и ќе води борба за седмото место кое води во интерконтиненталниот плеј-оф, а таму моментно е Боливија со бод повеќе.

За потсетување, Венецуела е единствената репрезентација од овој континент која никогаш не играла на Светско првенство.