Германската воена контраразузнавачка служба бележи се поголем број нови случаи во Бундесверот, германската војска, кои истражуваат сомнителен екстремизам, пренесува ДПА.

Според информациите на медиумот имало 483 нови случаи минатата година – споредено со 390 во 2022 година.

Службата регистрирала 308 нови случаи на десничарски екстремизам, а една година претходно имало 278 такви сомнежи.

Војната на Русија против Украина отвори ново поле во феноменот на екстремизам поврзан со странство. Имало 65 нови случаи, а 18 во 2022 година.

Повеќето од новите случаи се резултат на поддршката на нелегалниот напад на Русија врз Украина, се вели во извештајот.

Тоа е вистински показател за екстремистички активности, бидејќи се уништува концептот на меѓународно разбирање и мирен соживот на народите.

Според извештајот, во 2023 година службата класифицирала 14 лица како докажани екстремисти.

Меѓу нив има шест „граѓани на Рајхот“, пет десничарски екстремисти и три лица кои го оспоруваат легитимитетот на државата.

Една година претходно биле регистрирани 12 такви екстремисти.