Експлозија во Тунис: Убиени четворица воени офицери додека бркале терористи
Четворица туниски воени лица денеска се убиени, откако нивното возило било погодено од експлозивна направа во планинска област, изјави официјален армиски претставник, јави агенцијата ДПА.
– Експлозијата се случи во западната област Џебел Мгила, изјави за ДПА, портпаролот на туниското Министерство за одбрана, Мохамед Зикри.
Четворицата војници починале како последица на сериозните повреди што ги здобиле при експлозијата, додаде тој.
Зикри нагласи оти инцидентот се случил за време на потрага по „терористи”, термин што во Тунис се користи за исламистичките милитанти.
Во последните години во Тунис имаше серија на милитантни напади за кои повеќето тврдат дека се дело на екстремистичката група Исламска држава, пренесе ДПА.