Холандската полиција ја истражува експлозија во црква во близина на Ротердам, која беше отворена за време на викендот и покрај рестриктивните мерки поради пандемијата на вирусот корона.

Жителите на едно место во близина на Ротердам за локалните медиуми изјавиле дека ги вознемирила силната експлозија во црквата Миераскерк, каде верниците нападнале новинар кој известувал од собирот од неделата.

„Никој не е повреден во експлозијата, но предната фасада на зградата е оштетена“, објави полицијата на Твитер.

Според холандските медиуми, полицијата верува дека експлозијата била предизвикана од огномет.

Стотици верници присуствуваа на црковната миса во Кримпен, во близина на Ротердам, во неделата, иако заради пандемијата беше дозволено да се соберат до 30 лица.

Поради законот за слобода на вероисповед, холандската влада не смее да интервенира во црквите или да изрекува парични казни.