Скарата речиси секогаш асоцира на сочни хамбургери, виршли за познатите „хот дог“ сендвичи и различни видови месо и риба. Но, сте помислиле ли некогаш да ставите овошје на скара? Да, да, овошје. Постојат многу десерти кои се поздрави отколку што мислите, вклучувајќи го овошјето на скара.

Доколку не сте пробале до сега, треба да знаете дека пропуштате вкусно, нискокалорично задоволство! Некои овошја, како што се праските и смоквите, содржат шеќери кои карамелизираат кога се печат на скара или се загреваат во тава. Експериментирајте со нови вкусови, кои се експлозија од слатко кон солено, ова мора да го пробате.

Потребно ви е само малку маслиново масло за да не се залепи овошјето на врелите решетки на скарата. Изберете кое овошје ви се допаѓа, од праска до банана, круша, ананас, манго па дури и цреши (можете да ги ставите во фолија за да не ви паѓаат низ решетките доколку имате класична скара).

Овошјето на скара е вкусно само по себе, но уште подобро е ако додадете малку јогурт, шлаг или мед. Ако сакате по декадентен десерт, можете да направите комбинација со сладолед или чоколадо.

Можете некои овошја да ги правите со додавање на путер и чоколадо, завиткајте ги во фолија и ставете ги на скара. Можностите се бесконечни, можете да додавате карамел сос, ореви, кафеав шеќер, цимет, рум, мед или сирење.

Ако сакате да го задржите овошјето здраво, не додавајте шеќер. Повеќето овошја се слатки сами по себе, а со додавање на скара ќе откриете дека топлината повеќе ги изразува тие природни шеќери на овошјето бидејќи се намалува концентрацијата на вода.

Ова е еден од најбрзите десерти што може да го направите, експериментирајте и дозволете да се изненадите самите себе и луѓето околу вас.