Експлозија на плинска боца причина за пожар во куќа во Делчево
Брзата реакција на Територијалната противпожарна единица од Делчево спречи пожар од поголеми размери во Делчево откако од експлозија на плинска боца изгоре една соба од станбено живеалиште на улица ,,Првомајска”. ТППЕ Делчево според информациите на дежурните пожарникари дојавата ја примило во 19:20 часот.
-Во гаснењето на пожарот учествуваа три возила и шест пожарникари при што пожарот беше навреме изгаснат, а со тоа и оневозможен да се прошири на останатиот дел од куќата, како и на околните објекти, информираат од противпожарната служба.
Додаваат дека за среќа во пожарот нема повредени лица.
Ова е втор пожар за една недела во Делчевско. Во пожар кој пред неколку дена се случи во делчевското село Тработивиште беше опожарена сушара, сопственост на жител на селото.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот