ЕКСПЛОЗИЈА НА ГАС ВО ЏАМИЈА ВО БАНГЛАДЕШ: 13 мртви, помеѓу нив и дете, повредени се 30 лица
Во експлозија на гас во џамија во Бангладеш, 13 лица го загубија животот, вклучувајќи и едно дете, а повредени се 30 луѓе, пренесуваат повеќе светски медиуми.
Официјалните органи веруваат дека ексолозијата е предизвикана со протекување на гас од гасоводот, како и дека бројот на жртви би можел да порасне, во однос на тоа дека многумина од повредените се во критична состојба, пренесува „Ројтерс“.
Експлозијата се случи синоќа, во близина на џамијата во округот Нарајангањ, недалеку од престолнината Дака.
Во несреќата се повредени 30 луѓе, а многумина од нив имаат сериозни изгореници.