Експерти од Ербас ја истражуваат авионската несреќа во Пакистан

Тим експерти од Ербас пристигнаа во Пакистан за да учествуваат во истрагата за авионската несреќа во која загинаа 97 луѓе, соопштија официјални лица.

– Ербас испрати тим од 11 експерти за да обезбеди техничка помош на Комисијата за истраги на несреќи, рече Абдула Хафиз Кан, портпарол на пакистанската авиокомпанија ПЛА, на чиј лет во Карачи се урна авионот на „Ербас”.

Кан рече дека ПЛА ќе им помогне на „Комисијата и тимот на Ербас да ја утврдат вистинската причина за несреќата”.

Тимот ќе изврши увид на пистата и ќе го посети местото на несреќата, од кое надлежните престанаа да ги отстрануваат остатоците од авионот. И црната кутија ќе им биде предадена на експертите.

Ербас А320 се урна врз населена улица, неколку моменти пред да слета на аеродромот во Џина.

Двајца патници преживеаја, а никој од жителите во областа каде што се урна авионот не загина, иако околу дваесет куќи се оштетени.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот