Околу 800 вреќи со отпад собраа вработените на штипското комунално претпријатие „Исар” покрај локалниот пат кој води до депонијата „Трештена Скала”. Директорот на ЈП „Исар”-Штип, Здравко Коцев вели дека во денешната акција учествувале речиси сите вработени. Исчистени се околу два километри покрај овој пат и реката Брегалница.

– Дојдовме овде за да покажаме, како треба да изгледа една убава околина во градот Штип и навистина ако се потрудиме сите, заедно со градоначалникот може да прерасне во убав туристички комплец, вели Коцев.

Посочи дека вработените колку и да го  чистат градот, населбите и зелените површини, а нема одговорност од страна на граѓаните со фрлањето на смет и шут, екипте и механизацијата на ЈП „Исар” нема да можат да постигнати низ сите реони. Нивната цел е градот да е чест, а најави дека вакви акции ќе следат и кон манастирот Света Недела, како и на други локации, каде што има мини депонии.

Градоначалникот на Општина Штип, Сашко Николов ја поздрави денешната акција и вели дека вака се сака својот град.