Туристите кои дошле во мексиканските летувалишта Канкун, Плаја дел Кармен и Тулум, биле згрозени од смрдеата што ја предизвикале алгите саргасум, чии количини се натрупани на плажите и кои ги обоиле тиркизните води со кафена боја.

Експертите преупредуваат дека ова би можело да стане секојдневие на подрачјето на ривиерата на Маите на Мексиканско-карипскиот брег, која носи половина од приходите од туризмот кои Мексико ги остварува.

Од 2014 година само мал дел од овие алги стигнувало до брегот, но комбинацијата од климатските промени и загадувањето предизвикано со употребата на вештачките ѓубрива и океанските струи кои носат „теписи“ од алги во Карипското Море предизвикала експлозија на овој проблем.