Еклектично шоу во Скопје: „Тивери корпорејшн“ ја однесе публиката во апсолутна еуфорија
„Тивери корпорејшн“ по пет години се врати во Македонија. Публиката покажа дека е гладна за добра музика, а американскиот бенд во неделата пред илјадници обожаватели одржа концерт за паметење на стадионот на АРМ во Скопје.
Маестралните „Тивери корпорејшн“ се вратија во Македонија во комплетен состав.
Со самиот старт на концертот беше јасно дека публиката треба да очекува високоенергетска свирачка машина. Публиката беше воодушевена од вистински звучниот и танцов спектакл на моќната повеќечлена постава на бендот. Нивната енергија на звукот носи во апсолутна еуфорија.
„Тивери корпорејшн“ на концертот на кој го промовираа последниот албум, ги изведоа и сите нивни стари, добро познати хитови.
Зад „Тивери корпорејшн“ стои продуцентското и авторско дуо Роб Гарза и Ерик Хилтон, одговорни за создавање цел поджанр на електронска музика облагородена со употреба на реге, хип-хоп, даунтемпо, индиски трип-хоп и боса нова, што се слуша во песните „The Richest Man In Babylon“, „Sweet Tides“, „Lebanese Blonde“, „Until the Morning“, „Letter To the Editor“…
Роб Гарза и Ерик Хилтон ја почнаа музичката соработка во 1995 година и досега објавиле десет албуми.
Иако примарниот звук на „Тивери корпорејшн“ е електроника, нивниот музички стил вклучува и елементи на даб, реге, хип-хоп, боса нова, есид џез…, а текстовите се на разни јазици.