Нов финансиски пакет за земјите членки на ЕУ со кој ќе се овозможи целосна исплата на платите на работниците во компаниите погодени од пандемијата со КОВИД – 19. Станува збор за заеми со кој членките на ЕУ би спречиле милионски отпуштања на работници.

Планот го носи името „SURE“ а е подготвен според германскиот модел со кој се предвидува работниците да имаат скратено работно време но притоа да добиваат целосна месечна плата.

Идејата е средствата да се обезбедат од меѓународниот пазар и да се пласираат кај членките на Унијата, а ваквиот чекор ќе обезбеди значително олеснување особено на земјите со кревка економија.

Сепак предлогот треба да наиде на одобрување од Германија и Холандија, земји кои традиционално се противат на мешање на долговите.