Денеска во Скопје стартуваше ЕХФ шампионатот за ракометарки до 19 години, во првото коло од групата „2“ висока победа забележаа избраничките на селекторот Љубомир Савевски.

Во СЦ „Јане Сандански“ македонската женска младинска репрезентација триумфираше убедливо над Босна и Херцеговина со резултат 39:28.

Најефикасна во нашата репрезентација беше Сара Миновска со 10 голови, осум забележа Ана Марија Коларовска, а седум Ангела Јанкуловска.

На спротивната страна осум погодоци беа дело на Елена Ципетиќ, пет имаше Карла Ловриќ, а четири Драгица Глигоревиќ.

Селекцијата на Фарски Острови во оваа рунда беше слободна, а во вториот меч денеска Холанѓанките со 53:14 славеа над Косово.

Во второто коло македонските ракометарки в недела од 18.00 часот ќе ги одмерат силите против Фарските острови.