На годинашниот фестивал „Егзит” беше соборен рекордот на посетеност, и тоа на првата фестивалска вечер, кога повеќе од 56.000 луѓе поминаа низ фестивалските порти.

Рекордната вечер во 19-годишната историја на „Егзит” беше одбележана со настапот на култниот британски бенд „Д Кјур”.

И покрај силниот дожд кој паѓаше на почетокот на настапот на легендарниот рок-бенд, ништо не можеше да ја поколеба неколкуилјадната публика да ужива во фантастичната музика и атмосфера.

Со огномет и перформанс, традиционално беа отворени 40-те сцени на „Егзит”.

Пораката која беше упатена од отворањето гласи: „Мир на Земјата, мир со Земјата”, со која организаторите упатија апел за зачувување на планетата.

До раните утрински часови, на 40-те сцени забавата не стивнуваше. Се редеа изведувачи и бендови – Carl Cox, „Maceo Plex”, „Charlotte de Witte”, „Los Frequencies”…