Египет и Парондо одат според планот, реми со Словенија за четвртфинале

epa08962924 Egyptian players Ali Zein (L) and Mohammad Sanad (R) react during the Main Round match between Slovenia and Egypt at the 27th Men's Handball World Championship in Cairo, Egypt, 24 January 2021. EPA-EFE/Mohamed Abd El Ghany / POOL

Селекцијата на Египет во последното коло од групата 4 во главната рунда на Мундијалот одигра 25:25 против Словенија и си обезбеди пласман во четвртфиналето.

Домаќинот на Мундијалот одигра катастрофално прво полувреме во кое постигна само осум гола, а лошо го започна и вториот дел. Словенците имаа предност од 15:10, но од тие моменти „фараоните“ заиграа фантастично и успеаја да дојдат до израмнување (17:17), а потоа и во водство кое го испуштија во финишот. Во последните минути избраниците на Роберто Парондо имаа водство од 23:25, но Словенија успеа да се спаси од пораз со два гола во финишот.
Санад постигна седум гола за Египет, Омар даде шест, додека кај Словенија Блаж Јанц беше најпрецизен со шест гола.

Селекцијата на Норвешка со 35:33 го совлада Исланд и го чека исходот од натпреварот Португалија – Франција. Доколку Португалците победат со еден гол разлика тие заедно со французите ќе играат во четвртфиналето, додека Норвешка ќе испадне. Очекувано прво име кај Норвешка беше Сандер Сагосен со девет постигнати голови, додека Елисон со шест гола беше најпрецизен кај Исланд.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот