Едвард Сноуден доби дозвола за постојан престој во Русија

Фото: EPA-EFE/MIGUEL A. LOPES

Поранешниот вработен во американската Агенција за национална безбедност (НСА), Едвард Сноуден, доби дозвола за постојан престој во Русија, соопшти неговиот адвокат Анатолиј Кучерена.

Сноуден оваа пролет побарал тригодишно продолжување на дозволата, која истече во април 2020 година, но постапката, според Кучерена, беше запрена поради пандемијата на коронавирус.

Сноуден (37) е обвинет за шпионажа и кражба на државен имот во САД за откривање на информации за разузнавачките служби и програмата за масовен надзор.

Сноуден живее во егзил во Москва, откако првично отпатува во Хонг Конг по неговото јавно објавување на класифицирани информации во 2013 година.

Руската влада му одобри азил и му ја продолжи дозволата за престој во 2017 година до 2020 година.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот