Куглофот некогаш претставуваше неизбежен дел од трпезата, додека денес главно служи како десерт. Ако планирате да го ставите на својата трпеза во текот на претстојните празници, но и во овие есенски денови, нашата препорака е да го пробате куглофот од костени.

Парче од овој совршен деликатес ќе ви го поправи денот на најдобар начин. И навистина, нема подобра идеја од шоља топол чај или какао и ароматизиран коглоф со костени, да го заокружите напорниот ден. Или да го започнете…

Потребни состојки

• 125 г путер
• 150 г шеќер
• 3 јајца
• 300 г пченично брашно
• 50 г мелени бадеми
• 200 мл млеко
• 150 мл слатка павлака
• 250 г пире од костени
• 1 ванилин шеќер
• 1 прашок за печиво
• 1 лажичка цимет
• 50 г темна чоколада

Подготовка

Измешајте ги пирето од костени, слатката павлака и млекото. Пенесто изматете го путерот со шеќерот, додавајте ги јајцата едно по едно, а потоа во смесата рачно додавајте го брашното, ванилиниот шеќер, прашокот за пециво, циметот, мелените бадеми и пирето од костени со млеко и павлака.

Добро измешајте ги состојките и разлејте ги во калапче коешто претходно сте го премачкале со путер и сте го наросиле со презла или брашно.

Во кугловот додадете исецкано црно чоколадо, промешајте со лажица и ставете го кугловот да се пече. Печете околу 50 минути, во рерна загреана на 180 степени. Испечениот куглоф најпрво почекајте добро да се излади, а потоа може да го декорирате по желба, на пример со шеќер во прав, какао или пак стопено чоколадо.