Едноставен за подготовка: Нискокалоричен леден десерт кој ќе го замени вашиот омилен сладолед

Фото: Unsplash

Одличен десерт кој ќе ве освежи како ладен туш. Се подготвува многу брзо, веднаш ќе ја задоволи вашата потреба за нешто слатко, а притоа има многу помалку калории од вашиот омилен вкус на сладолед. Може да го подготвите и надвор од домот, бидејќи единствениот уред кој ви е потребен е блендер, а истиот може да биде заменет со обичен кујниски нож кој ќе ви помогне да ги исечкате малините.

СОСТОЈКИ:

– 250 мл јогурт со ниска масленост (од фрижидер за да е студен)
– 250 гр замрзнати малини
– 2 лажици мед
– 1 лимон

ПОДГОТОВКА:

Замрзнатите малини исечкајте ги ситно со ноќ или ставете ги во блендер, а потоа додадете го студениот  јогурт со ниска масленост. Додадете 2 лажици мед и сок од еден лимон. Повторно измешајте сè за состојките убаво да се соединат.

Уживајте!

Видео на денот