Едно лице обвинето за обид за разбојништво во Скопје – Слободен печат
Хроника

Едно лице обвинето за обид за разбојништво во Скопје

40-годишен скопјанец, на 16.02.2019 година, на булеварот „Крсте Петков Мисирков“, со употреба на сила се обидел да одземе туѓ подвижен предмет – мобилен телефон Ајфон С6 во вредност од 40.000 денари.

Основното јавно обвинителство Скопје поднесе Обвинителен акт против едно лице за кривично дело – Разбојништво од член 237 став 1 во врска со член 19 (во обид) од Кривичниот законик.

Обвинетиот 40-годишен скопјанец, на 16.02.2019 година, на булеварот „Крсте Петков Мисирков“, со употреба на сила се обидел да одземе туѓ подвижен предмет – мобилен телефон Ајфон С6 во вредност од 40.000 денари.

Обвинетиот се приближил на оштетената и започнал со тупаници да ја удира по главата и да ја турка. Кога оштетената паднала нанапред кон земјата, тој започнал да и го влече мобилниот телефон од раката. Откако не успеал во намерата да и го одземе, продолжил да ја удира и да ја влече за чантата.

Оштетената, исплашена за својот живот, започнала да го удира со нозете и гласно да вика, барајќи помош. По ова, обвинетиот избегал.

Ценејќи дека и натаму се исполнети законските основи, надлежниот јавен обвинител до Основниот кривичен суд достави и Посебен предлог за продолжување на претходно определената мерка притвор за обвинетото лице.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close