Во Германија минатата година 29 отсто од учениците со мигрантско потекло биле во општи училишта. Мнозинството од 59 отсто немаат странски корени, наведува сојузниот завод за статистика.

Според истиот извор, кај  останатите 12 отсто, еден од  родителите  емигрирал во Германија.

Се смета дека едно лице има мигрантско потекло доколку дошло само или ако двајцата родители дошле во Германија по 1950 година.

Кај наставниците е сосема поинаку – само 11 отсто од нив лани имале мигрантско потекло. Пет отсто имаат еден родител од странство, додека 84 отсто од наставниците немаат мигрантско потекло.

Бројот  на луѓе со мигрантско потекло е зголемен во последните пет години и кај учениците и кај наставниците.

Во 2018 година, имало нешто помалку од 26 отсто ученици со мигрантско потекло и околу девет отсто наставници.

Повеќето студенти со странски корени се во западниот дел на Германија, во провинцијата Северна Рајна-Вестфалија. Минатата година имаше 689.000, повеќе од една третина.

Најмалку ги има во провинциите на поранешна Источна Германија (ГДР) – Мекленбург-Западна Померанија, Тирингија и Саксонија-Анхалт, соодветно 12 и 13 и 15 отсто.

Податоците се однесуваат на населението кое живее приватно, додека пак статистиката не ги опфаќа  емигрантите сместени во колективното сместување и бегалците.