Една недела по започнување на изборната кампања, Деркоски за денес најави заклучување на избирачкиот список

Се интензивира кампањата за парламентарните избори на 15 јули. Носителите на кандидатските листи и денеска ќе го продолжат претставувањето на собири и средби со граѓаните, на социјалните мрежи и на електронските медиуми.

Лидерите на владејачката СДСМ Зоран Заев и на опозициската ВМРО-ДПМНЕ Христијан Мицкоски синоќа во првото телевизиско соочување во изборната кампања побараа поддршка од граѓаните. Првиот за да се продолжи по вистинскиот пат, а вториот за да се поддржи чесност и исполнување на ветувањата.

– Можеме да ги решиме големите историски прашања за нашата земја и таа да продолжи да оди напред, да биде интегрирана, да биде членка на НАТО, да почне преговори со ЕУ, порача Заев во обраќање до гласачите во дуелот  на ТВ 24 со опозицискиот лидер Христијан Мицкоски.

Докажавме, наведе Заев, дека во услови на решавање на најголемите крупни прашања ја кренавме економијата од депресија, комплетна рецесија, -1,8 проценти, комплетно во раст и развој со 3,6 проценти. Докажавме дека има пари за повисоки плати и за повисоки пензии. Во следниот период ќе има уште поголеми плати, уште повисоки пензии, доволно работни места, квалитетни работни места за граѓаните, за да може да ги привлечеме овде да останат сите и млади и повозрасни, зашто тоа е нашата Македонија, тоа е нашата иднина, дома да бидеме продуктивни, порача Заев.

Прочитајте и...  Нова „бомба“ на Николоски и Јанакиески: Зградите се на Нефи бандитот, тоа е дел од договорот за изборите

Според Мицкоски, претстојните избори ќе одлучат за иднината на државата.

– Ова се избори на коишто вие треба гласно  да зборувате за сета неправда, за сите измами, за сиот криминал, за сета корупција, за овие луи витон куферчиња за трас-трас судските одлуки или пак да поддржите чесност и честитост. Ова се избори во коишто вие треба гласно да изберете во каква Македонија сакате да живеете, изјави Мицкоски. Гарантираше дека сето она што е во нивната изборна програма, ќе биде реализирано. Ги повика граѓаните на 15 јули масовно да излезат на гласање.

Караванот на Коалицијата „Можеме” во текот на вчерашниот ден беше во Радовиш, Врапчиште и Велес. – Мојот личен и најголем мотив во оваа изборна кампања е да да ги вратиме и да ги задржиме младите тука. Младите во изминатите 11 години ја напуштаа земјата затоа што беше газено нивното достоинство, порача од Велес генералниот секретар на СДСМ и носител во ИЕ 3 Љупчо Николовски.

Прочитајте и...  НСДП се залага за економија заснована на рамномерен регионален развој

Во тек на теренските изборни активности во општините Конче, Радовиш и Струмица Мицкоски истакна дека ВМРО-ДПМНЕ се бори и ќе се бори за просперитетна држава која припаѓа на сите граѓани. Држава која под еден покрив ќе ги собере и оние кои се десни и оние кои се леви и во центарот, политички определени и неопределени, и Македонци, Власи, Албанци, Турци, Срби, Бошњаци и сите обесправени, омаловажени, покрадени, потчинети и излажани.

Кандидатите на ВМРО-ДПМНЕ и коалицијата „За подобра Македонија” денеска ќе се претстават во Пласница (17:00), Македонски Брод (18:30), Кичево во 20:30 часот.

Првиот кандидат за премиер Албанец Насер Зибери синоќа од Куманово изјави дека се залага за суштински реформи од повеќе области, политички, економски, социјален аспект од кои корист ќе имаат сите граѓани во државата.

– Вистински реформи за да ги надминеме проблемите. Реформите нема да бидат само на хартија, туку ќе значат подобар живот за сите, рече Зибери во изјавата за медиумите по завршување на митингот на ДУИ на градскиот плоштад во Куманово.

Најавени се и претставувања на кандидатите за пратеници во други места во шесте изборни единици. Дел од партиите ќе одржат и прес-конференции, како политичката платформа „Македонски концепт”, ДПА, Интегра…

Прочитајте и...  Во Словенија отстранета дрвената скулптура на Меланија Трамп, откако беше запалена на 4 јули

Претседателот на Државната изборна комисија (ДИК) Оливер Деркоски пред неколку дена изјави дека најверојатно денеска ќе биде заклучен избирачкиот список.

– Веројатно в среда ќе го заклучиме избирачкиот список. Завршени се сите потребни активности, обработката на податоците. Не можам точниот број да го кажам, но 1.814.000 и неколку стотини гласачи ќе бидат на избирачкиот список на овие избори. Ќе почекаме до среда кога дефинитивно ќе го соопштиме точниот број. Потоа избирачиот список се обработува во нашите служби, се генерира за печатење во печатницата, рече Деркоски.

Претседателот на ДИК повтори дека избирачкиот список е чист, ги содржи податоците на сите полнолетни граѓани кои имаат наполнето 18 години и имаат државјанство.

-Постојаното чистење на списокот што се одвива во континуитет во ДИК, преку подрачните единици, континуираното квартално доставување од страна на МВР, доведува до тоа овој список да има високо ниво на прочистеност и граѓаните не треба да се грижат околу тоа дали или не е избирачкиот список во ред, рече Деркоски.

Прочитај повеќе

Три дена до завршување на предизборната кампања, „Можеме” и „Обнова” ветуваат дека по 15-ти јули доаѓаат најдобрите четири години

Слободен печат

Речиси две недели имаме стабилен бројот на активни случаи на Ковид-19, болничките капацитети доволни за прием на пациенти

Слободен печат

Сончево време со умерена облачност, температура до 35 степени

Слободен печат

Курсна листа на НБРМ: Колкава е вредноста на еврото денеска?

Слободен печат

Виц на денот – Мујо и Хасо во Германија

Слободен печат

Грчките демонстранти ја нападнаа полицијата, во тензична атмосфера донесен законот за јавни собири (ВИДЕО)

МИА Агенција

Остави Коментар

Прочитај повеќе

Мајка херој: Пред да загине во пожар – го фрли од тераса тригодишниот син, го фати маринец и го спаси (ВИДЕО)

Слободен печат

Седум судански министри поднесоа оставка

Слободен печат

Дел од Карпош утре без вода

Слободен печат

Шекеринска: Ние не плаќавме за стиропори кои глумат мермер, напротив решивме парите да заминат во малите бизниси

Слободен печат

Моќно торнадо ја погоди Минесота, настрада маж кој работел во гаража (ВИДЕО)

Марина Дамческа

Врховниот суд на САД донесе важна одлука против Трамп поради која тој збесна

Слободен печат