Албанскиот премиер Еди Рама за време на неговиот претстој во САД, доживеал еден невообичаен пречек. При неговото пристигнување во хотел во Њујорк, него го пречекале три менаџерки кои зборувале на албански. А како што пишува и самиот Рама на Фејсбук, едната од нив е од Македонија.

„Доаѓа човек од Албанија во хотел во Њујорк и на самата врата, што наоѓа? Три менаџерки од Косово, Северна Македонија и Црна Гора, кои му велат на албански „Дали ќе се сликаме?“. Ја сакам Албанија“, напишал Рама на Фејсбук.

Во видеото, кое го објавува албанскиот премиер, трите жени се претставуваат и самите, а едната од нив вели дека е од Македонија, односно од Гостивар.

Инаку Рама, синоќа во САД реализираше средба со новиот грчки премиер Киријакос Мицотакис, со кого според албанските медиуми разговарале за земјотресот, преговорите, малцинствата и односите меѓу двете земји.