Еден месец по изборите, во Косово објавени конечните резултати
Централната изборна комисија на Косово денеска ги објави конечните резултати од изборите кои се одржаа на 6 октомври.
Претседателката на ЦИК, Валдете Дака, рече дека објавувањето на овие резултати доаѓа по завршување на сите процедури на избирачките места и во Центарот за броење.
Како што објасни Дака пребројани се околу 850 избирачки места, а излзноста на изборите од 6 октомври е 44,72%.
Според Дака од конечните резултати, Движењето Самоопределување доби 220.811 гласови или 26,159%, Демократскиот сојуз на Косово 206.458 гласови или 23,458%, Демократската партија на Коосово има 178.645 гласови или 21.163%, Алијансата за иднина на Косово –Социјал-демократаксата партија има 96. 883 гласови или 11, 477%, Српска Листа 57.015 гласови или 6,754%, Иницијатива-АКР-ПД 42.072 гласови или 4,984%.
Според Дака од овој момент започнува 24-часовниот рок за жалби од субјектите и кандидатите за пратеници, пренесува Телеграфи.